Македонската кошаркарска репрезентација благодарение на Ненад Димитријевиќ стигна до драматична 73:70 победа над Данска во Нествед, на стартот на претквалификациите за Европското првенство во 2025, откако пропуштија големо водство на стартот на второто полувреме.
По лошиот старт на мечот, македонските кошаркари во првиот меч на селекторот Александар Јончевски, ја презедоа контролата на мечот, за на полувреме да имаат 34:29 водство. Меѓутоа, пред стартот на последната четвртина, Данците успеаја да израмнат на 55:55, а потоа и да дојдат до водство од четири поени (66:62). Димитријевиќ успеа да израмни на 70:70, а потоа по неуспешниот напад на домаќините, со тројка да го реши победникот.
За три дена, македонските кошаркари ја пречекуваат Словачка во Скопје, откако тие загубија убедливо со 87:68 од Норвешка. Само првопласираниот во групата оди во квалификациите.
ПРЕTКВАЛИФИКАЦИИ, ЕВРОБАСКЕТ 2025, ГРУПА Д
Данска – Македонија 70:73 (18:14, 11:20, 26:11, 15:18)
Словачка – Норвешка 68:87 (20:21, 13:21, 23:24, 12:21)
Фото: ФИБА
(function (el) { window.addEventListener(“message”, (event) => { if (event.origin.startsWith(“https://www.sofascore”)) { if (el.id === event.data.id) { el.style.height = event.data.height + “px”; } } }); })(document.getElementById(“sofa-standings-embed-68785-39857”));