Дебарското обвинителство побара од надлежниот суд на 19-годишник да му изрече условна осуда со утврдена казна затвор до три месеци, поради сомнение дека сторил кривично дело – непостапување според здравствените прописи за време на епидемија.
Обвинетиот на 19 јули годинава бил затекнат надвор од својот дом, иако за него било донесено решение со кое му било определен здравствен надзор и задолжителна самоизолација поради тоа што бил позитивен на коронавирус.
