Скопје, 28 февруари 2020 (МИА) – Врнежи од дожд и силен ветер со брзина од над 70 километри на час се очекуваат денеска во попладневните часови.
Синоптичарите најавуваат повеќе врнежи во северозападните делови и зголемување на снежната покривка на планините. На планините ќе има и појава на снежни наноси поради силниот ветер. Максималната температура ќе биде во интервал од 7 до 14 степени.
Во Скопје ќе има врнежи од дожд, а на повисоките места од котлината услови за снег. Ќе дува засилен ветер од северозападен правец, особено во вечерните и ноќните часови. бак/сп/
