Претседателот oд претседателството на БиХ, Милорад Додик, е пуштен од Клиничкиот центар во Бања Лука, каде ги помина последните 16 дена поради инфекција со коронавирус. Тој ќе се префрли на домашно лекување.
Се очекува тој напладне да и се обрати на јавноста за да ги сподели своите искуства од двонеделното лекување.
Додик беше хоспитализиран на 21 декември, по што му беше дијагностицирана пневмонија на двете белодробни крила, а и третиот тест за Ковид-19 беше позитивен.
Тој имаше потешкотии со дишењето и болки во стомакот.
Сепак, неодамнешниот нов тест се покажал негативен.
