Според податоците кои вечерва ги соопшти претседателот на Државната изборна комисја (ДИК), Александар Даштевски, скопјани во вториот круг за челник на градот ќе бираат меѓу независната кандидатка поддржана од ВМРО-ДПМНЕ, Данела Арсовска и кандидатот на СДСМ и досегашен градоначалник, Петре Шилегов.
„За градоначалник на градот Скопје, под број 12 коалицијата ‘Најдоброто за мојата општина’, предводена од СДСМ има 77.852 гласа и оди во втор круг со Петре Шилегов. Данела Арсовска во вториот круг оди со 85.657 гласови“, соопшти Даштевски.
Врз основа на бројките кои ги изнесе претседателот на ДИК, разликата меѓу двата кандидата по првиот круг е 7.805 гласа.
