Дебар, 6 мај 2020 (МИА) – Полициската статистика за последното деноноќие, потврдува дека жителите во Дебар и Центар Жупа, ја испочитувале одлуката за забрана за движење.
-Во текот на изминатото деноноќие за време на спроведувањето на мерките за ограничено движење и заштита на граѓаните од ширење на Ковид-19 на подрачјето на Одделението за внатрешни работи Дебар, целосно е почитувана забраната за движење. Не се регистрирани ниту нарушувања на јавниот ред и мир ниту сообраќајни незгоди, изјави Стефан Димоски портпарол на Секторот за внатрешни работи-Охрид.
Според него во сампоизолација е само едно лице, кое како што е предвидено со законските прописи контролирано е од страна на полициските службеници.
Во Дебар, кој беше првото жариште на Ковид-19 во државава денеска е 21 ден како нема новозаразени со опасниот вирус. Од вкупно 51 заразено лице (две од Центар Жупа), 47 се оздравени додека четворица починаа. вт/аа/
