Штип, 12 мај 2020 (МИА) – Во штипската Клиничка болница недостигаат уште 20 медицински сестри. Но состојбата од пред две години со овој кадар е подобра забележа на денешната прес-конференција директорот, Ален Ѓеорѓијев. На денот на сестринството тој им се заблагодари на медицинските сестри, кои во време на пандемија беа најголемата поддршка на пациентите, а нивното стручно работење се гледа секој ден.
-Во моментов на Инфективното одделение имаме хоспитализирано шест пациенти, од коишто тројца се од Кочани и по еден од Штип, Пехчево и Берово, вели Ѓеорѓијев.
Тој најави дека на 14 мај ќе се одбележи и првата коронографија направена во штипската Клиничка болница. Годинава се набавени над 900 стентови за Кардиологија, за разлика од минатата година кога имале набавено над 400 стентови. вдј/оџ
