Полска сака да ги купи вакцините на „Џонсон и Џонсон“ против коронавирус од Данска, изјави денеска владиниот портпарол, откако Данска ја исклучи оваа вакцина од својата програма за вакцинирање, поради можна врска со згрутчување на крвта.
Некои земји од Централна Европа, како што е Полска, сакаат да ја забрзаат програмата за вакцинација, по одложувањата во испораката на вакцините и заземаат помалку претпазлив став од, на пример, Данска.
Данска во понеделникот стана првата земја што забрани вакцинирање со вакцината на „Џонсон и Џонсон“.
Минатиот месец, Данска ја прекина вакцинацијата со „астразенека“, исто така, поради ретки случаи на згрутчување на крвта по вакцинацијата.
Полските власти велат дека придобивките од вакцинацијата ги надминуваат можните ризици.
