Секретарот на Советот за национална безбедност и одбрана на Украина Алексеј Данилов вели дека балтичките земји се во опасност од Русија.
„ Што се однесува до ситуацијата со балтичките држави и Полска, тие се навистина во опасност од Русија. Не сите во Европа се свесни за тоа. Однесувањето на некои земји, како на пример Германија, е малку чудно со оглед на тоа што се случува во Европа во 21 век…“, рече тој, а пренесуваат украинските медиуми.
Данилов истакна дека Русија нема да запре.
„ Тие ја имаат следната цел. Ако победат на наша територија, следната земја што Путин сака да ја заземе ќе биде Литванија. Потоа ќе има и други балтички земји, за да можат да стигнат до Полска. Се ќе зависи од тоа како НАТО ќе се однесува. Денес е нивното однесување е чудно. Мислат дека ќе ја избегнат оваа опасност“, рече тој.
Украинските медиуми потсетуваат и дека литванскиот претседател Гитанас Науседа неодамна го предупреди американскиот државен секретар Ентони Блинкен дека неможноста да се запре руската агресија во Украина ќе доведе до глобален конфликт.
