Фудбалската репрезентација на Хрватска на Светското првенство во Катар ќе игра против Мароко, Канада и Белгија. Селекторот на актуелниот вице-првак, Златко Далиќ, вели дека е задоволен од ждрепката и дека прва цел е да се помине групата.
„Да речеме дека сум задоволен. Не можевме да очекуваме дека ќе добиеме лесна група, сепак овде учествуваат најдобрите репрезентации. Белгија три години беше број 1 на ФИФА листата, Канада доминираше во својата квалификациска зона, а Мароко го предводи Вахид Халилхоџиќ, знак каков тренер е тој. Успешен тренер, со четири репрезентации успеал да се квалификува на СП“, рекол Далиќ и потоа го коментирал распоредот на Хрватска.
„Задоволен сум. Прво играме со Мароко, потоа играме со Канада. За крај следува дуелот со Белгија. Ќе повторам знаеме што треба да направиме, не смееме никого да потцениме. Одиме чекор по чекор. Оптимист сум, верувам во нас“, рекол Далиќ.
> Далиќ: Никого не потценуваме, знам што треба да направиме <
