Голманот на Арсенал Емилијано Мартинез има само пофални зборови за соиграчите Давид Луиз и Шкодран Мустафи.
Последната линија пред голманот која најчесто ја предводат Луиз и Мустафи често е критикувана од аналитичарите и навивачите на Арсенал. Аргентинскиот голман кој го замини повредениот Бернд Лено има поинакво мислење.
„Верувајте Давид и Мустафи се фантастични играчи. Двајцата долго години играат на врвно ниво. Кога ќе играш против голем тим и направиш грешка добиваш казна. Тогаш луѓето вината ја бараат во нашата одбрана. но јас се чувствувам безбедно на голот кога во игра се тие двајца“, рекол Мартинез.
Инаку одбраната на Арсенал на последните три натпревари нема примено гол.
„Сега имаме структура, начин на игра. Делуваме се посилно и посилно. Забележавме неколку „клин шитови“ и сега луѓето зборуваат дека нашата одбрана е солидна.“
Арсенал се наоѓаат на седмото место во Премиерлигата, а во 34 коло, вечерва ќе го пречекаат Лестер.
