Унгарија ќе биде меѓу првите земји на ЕУ што ќе ги достави своите планови за закрепнување до Европската комисија по пандемијата, изјави денеска шефот на кабинетот на премиерот, Гергељи Гуљаш.
Тој кажал дека премиерот Виктор Орбан во петокот се состанал со претседателката на Европската комисија Урсула фон дер Лајен, додавајќи дека прашањата за иднината на ЕУ се вклучени во агендата на состанокот.
Инструментот за обновување и издржливост на ЕУ беше исто така високо на агендата, рече Гуљаш.
Како што пренесуваат медиумите во регионот Унгарија треба да добие грантови во вкупен износ од 2.511 милијарди форинти или околу 6,9 милијарди евра и пристап до заеми во вкупна вредност од 3,384 милијарди форинти или околу 9,3 милијарди евра, додаде тој.
Гуљаш рече дека подготовките на Унгарија за планот за закрепнување се во напредна фаза и дека планот наскоро ќе биде доставен до ЕК.
