Фотографијата од петнаесеттемина членови на ДУИ, меѓу кои и високи државни функционери, кои без маска и дистанца слават роденден во новиот барокен објект на Министерството за политички систем била направена при мало изненадување приредено за лидерот Али Ахмети, вели за „Mакфакс“ првиот вицепремиер и министер за политички систем Артан Груби.
Тој рече дека организирањето на овој настан во државни простории им било традиција.
„Настанот се организира на првиот работен ден во новата година и според протоколите. Сликата објавена од Османи беше само еден момент за заедничка слика при мало изненадивање што колега го приреди за господинот Ахмети, слично како и минатата година во Собранието, искористувајќи го неговото присуство“, вели вицепремиерот Губи.
И покрај тоа што на заедничката фотографија, како и на фотографијата на која лидерот Али Ахмети ја сече тортата, никој не носи маски и нема два метра меѓу нив, Груби тврди дека ги почитувале протоколите.
„Протоколите првенствено ги почитуваме за нашето лично здравје и за нашите семејства како и за граѓаните“, тврди вицепремиерот Груби.
Заедничката фотографија од прославата во новите простории на Министерството ја објави министерот за надворешни работи Бујар Омани, а подоцна на социјалните режи се појави и фотографија на која лидерот Ахмети сече торта, а неговите симпатизери му го честитаат 62 роденден.
