Церемонијата на доделување „Греми“ награди во 2021 година е одложена поради сè уште присутната пандемија на коронавирус, велат организаторите.
„Греми“, една од најголемите награди во музичката индустрија, требаше да се одржи на 31 јануари.
Настанот сега ќе се одржи на 14 март, како резултат на зголемениот број на инфекции во Лос Анџелес и државата Калифорнија.
Бијонсе, Тејлор Свифт и Дуа Липа ги предводеа номинациите за наградите за оваа година, објавени во ноември.
„Ништо не е поважно од здравјето и безбедноста на оние во нашата музичка заедница и стотиците луѓе кои неуморно работат на продукција на шоуто“, се вели во соопштението на Академијата за снимање, која ги води Греми-наградите.
