Градоначалникот на Општина Бутел, Велимир Смилевски заедно со градоначалникот на Општина Кисела Вода, Филип Темелковски, беа во службена посета во Општина Oдемиш, Република Турција. На средбата беа поставени темелите на културните и економските мостови и новите области на соработка.
На средбата гостите беа запознаети со активностите на Oдемиш, која располага со една од најплодните почви во Турција што дава предност за органско производство, а тоа придонесува за развојот на еко-туризмот во последните неколку години. При посетата беше промовирано она што Oдемиш го произведува и успешно го работи а тоа се областите за производство на украсни растенија и садници, индустријата за млечни производи како и туристичките убавини во областа.
