Повеќе од седум години по руската анексија на Крим, украинскиот претседател Володимир Зеленски на меѓународниот самит истакна дека тој црноморски полуостров и припаѓа на Украина.
„Отсега го одбројуваме времето до ослободување на Крим од руската окупација“, рече Зеленски на првиот состанок на т.н. Кримски платформи во Киев.
Зеленски изрази жалење што Русија го претвори Крим од летувалиште во еколошки загрозена воена база. „Крим беше гаранција за меѓународна стабилност, а сега е буре барут“, рече тој.
Зеленски исто така ја обвини Русија за кршење на човековите права на граѓаните на Крим. На полуостровот веќе има повеќе од 100 политички затвореници.
Тој рече дека ќе ги искористи сите политички и правни средства за да го врати Крим.
Министерот за надворешни работи на Русија, Сергеј Лавров, состанокот, на кој се собраа претставници на повеќе од 40 земји, вклучително и некои шефови на држави, го оцени како „Собир на вештерки“.
