Пожарот што избувна денеска во близина на градот Минусинск, во областа Краснојарск, уништи најмалку 20 куќи, соопшти регионалното обвинителство.
Според првичните информации, изгореле 20 куќи во четири улици, а пожарот се заканува на одреден број куќи во две викенд населби, како и на двокатни станбени згради во Зелени Бор, соопшти канцеларијата, пренесе ТАСС.
Во тек е евакуација на луѓе и проценка на штетите, се наведува во соопштението.
Министерството за вонредни состојби соопшти дека силниот ветер ја зголемува брзината на пожарот.
Противпожарната единица е зголемена на 130 пожарникари и 28 возила.
На местото на настанот е испратен противпожарен воз.
На околу 300 лица им е обезбедено привремено сместување.
