Утрински Весник
Спорт

Гобер го уништи камбекот на Дончиќ, нов „потоп“ на Бруклин нетс

Гобер го уништи камбекот на Дончиќ, нов „потоп“ на Бруклин нетс

Лука Дончиќ се врати во тимот на Далас маверикс, но неговите 30 поени и 10 скока не беа доволни за победа, откако Руди Гобер во драматична завршница донесе 100:99 победа за Јута џез за израмнување на плејоф-серијата на 2:2, додека Бруклин нетс се пред елиминација, откако загубија со 109:103 од Бостон селтикс.

Јута имаа одлично прво полувреме, но Дончиќ го инспирираше Далас за камбек за 81:78 предност пред последната четвртина. Тогаш на 11 секунди пред крајот Гобер поентираше, а во последниот напад, Спенсер Динвиди утна Маверикс за израмнување на серијата. Кај Јута, Џордан Кларксон заврши со 25 поени, 23 уфрли Донован Мичел, а Гобер заврши со 17 поени и 15 скока.

Бруклин нетс, пак, се пред елиминација, откако го загубија и првиот домашен меч со Селтикс. Кевин Дурент и Кајри Ирвинг имаа по 16 поени за Бруклин, но Бостон го имаа расположениот Џејсон Тејтум, кој заврши со 39 поени.

Израмнето е и меѓу Минесота тимбервулфс и Мемфис гризлис, откако Минесота стигна до 119:118 победа, предводени од Карл-Ентони Таунз со 33 поени и 14 скока и Ентони Едвардс со 24 поени.

> Гобер го уништи камбекот на Дончиќ, нов „потоп“ на Бруклин нетс <

Можете да прочитате

Мареј: Побегнав од моите деца, а во Новак добив едно големо дете

Ла Лига ја одби жалбата за суспензијата на Винисиус

Гвардиола по 30 години се раздели со сопругата Кристина