Пласманот на Ајнтрахт во финалето на Лига Европа е голем хит во цела Германија.
Тимот на Оливер Гласнер е првиот германски клуб во финалето на Лига Европа, а претходно да играл и во финалето на Купот на УЕФА.
Ајнтрахт славеше во Купот на УЕФА во 1980 година и тоа беше негово последно европско финале.
Германскиот тим за трофејот во Лига Европа ќе се бории со Глазгов Ренџерс во Севиља, во среда, на 18. мај.
На одличната атмосфера што се создаде околу Ајнтрахт не одолеа ниту германската железница. Оваа компанија на својата„ Твитер“ страница започна интересна акција:
„Во нашиот тим имаме неколку навивачи на Ајнтрахт. И затоа се договоривме со нив: за 753.056 лајкови на оваа објава ќе организираме специјален воз за Севиља“, порачаа од Железницата.
Навивачите на Ајнтрахт сега треба да одговорат на предизвикот.
> Германските железници во акција на Твитер со навивачите на Ајнтрахт <