Германија ги затвора своите граници со Австрија и Чешка во недела поради опасност од ширење на мутирани видови на коронавирус, соопшти денеска Министерството за внатрешни работи.
„ Германскиот министер за внатрешни работи Хорст Зехофер одлучи да воведе привремени контроли на граничните премини кон Австрија, кои постојат од бегалската криза, и да воведе привремени контроли на граничните премини кон Чешката Република“, соопшти Министерството.
Целта на овие мерки е да се спречи воведувањето на мутирани видови на вирусот во Германија, се вели во соопштението.
Од овие области, забранет е влез во Германија, со исклучок на германски државјани и странци со постојан престој во Германија.
Зехофер претходно побара од федералната влада да ги прогласи пограничните области во Чешка и областите Тирол во австриската провинција со мутирани вируси за да може да се воведе забрана за влез во Германија.
