Каролине Гарсија го продолжи своето фантастично лето, победувајќи ја Романкат Ана Богдан со 6:4/6:1 за титулата од Полска опен во Варшава, нејзина деветта титула во кариерата.
Поранешната светска тенисерка број 4, Французинката Гарсија сега има 18 победи во своите последни 21 мечеви, откако во Бад Хомбург пред пет недели ја освои првата титула по пауза од три години, по што играше и во полуфинлето во Лозана и четврт-финалето во Палермо. Во Варшава, таа успеа да ја совлада светската тенисерка број 1, Ига Швјонтек, која претходно имаше 18-0 скор на земјена подлога оваа сезона.
Во Прага пак, домашната фаворитка, 24-годишната Мари Боузкова загуби само три гема за 6:0/6:3 победа над Русинката Анастасија Потапова за своја прва ВТА титула во кариерата. Боузкова е петта тенисерка со деби ВТА титула оваа сезона покрај Потапова, Мартина Тревизан, Беатриз Хадад Маја и Бернарда Пера.