Претседателот на Србија, Александар Вучиќ, изнесе два можни модели за формирање влада.
„Јас би предложил два концепта. Едниот е проста коалиција со една политичка партија, не би кажал која. Со оглед дека ни се заканува нов бран на коронавирус на есен и со оглед на ситуацијата на Косово, другиот концепт е да речеме за година ипол да се одржат парламентарни избори, така што ќе има еден вид концентрациона влада. Ако ме прашате, јас сум поблизу до првиот концепт“, вели тој.
Вучиќ додаде дека „брои“, но не математички, туку политички, односно разгледува што се случува во светот, во Европа, со цел да се донесе најдоброто решение за земјата и граѓаните. Тој најави дека неговиот предлог ќе биде презентиран наскоро.
