Во Индонезија денеска беа откажани летови, откако локален аеродром мораше да се затвори поради вулканска ерупција во Јава.
Вулканот Раунг во областа Банјуванги започнал да еруптира вчера, исфрлајќи пепел во височина од 2.000 метри, објави државниот центар за вулканологија. Засега нема извештаи за жртви.
Авиокомпанијата „Лајон ер“ објави дека откажала шест летови од Банјуванги.
„Причината за затворањето е ерупцијата на Маунт Раунг. Вулканската пепел може да оштети некои делови од авионите и да ги загрози летовите”, објаснуваат од аеродромската служба.
