Гевгелија, 7 мај 2020 (МИА) – Денешното воведување во градежните работи го означи почетокот на реализацијата на втората фаза од ревитализацијата на регионалниот пат што ги поврзува Богданци и Гевгелија од кај крстосницата кај безинската пумпа на „Шимов“ преку селата Стојаково и Богородица.
Целосната обнова на оваа локална делница, според одговорните, треба да создаде услови за понатамошна непречена финализација на проектот за изградба на експресниот регионален пат од крстосницата кај Фурка преку Богданци до Гевгелија, од кој првата фаза е веќе при крај.
Откако ќе биде изграден, по патот преку Стојаково и Богородица, ќе се одвива сообраќајот на релација Богданци-Гевгелија се додека не заврши изградбата на делот од регионалниот пат што нив директно ќе ги поврзува.
Втората фаза од проектот, со вредност од околу пет милиони денари се имплементира преку Програмата на Бирото за рамномерен регионален развој и Центарот за развој на југоисточниот плански регион. им/вј/
