Утрински Весник
Свет

Во Шпанија соборен температурен рекорд – тоа не се случило 20 години

Во Шпанија денеска бил соборен температурен рекорд во летната предсезона со температура од 40 степени во долината Гвадалкивир во регионот на Севиља, пренесуваат локалните медиуми.

Ова, како што пишуваат, не било случај во последните 20 години.

Високи температури го погодија и блискиот град Кордоба, објави Националната метеоролошка служба АЕМЕТ, пренесе Ројтерс.

Температурите би можеле да достигнат до 42 степени на југот на Шпанија, во долината Гвадијана во Екстремадура и околината, додаваат метеоролозите.

Топлотниот бран продолжува и утре, па температурите би можеле да достигнат до 43 степени во делови од јужна Шпанија.

Топлиот воздух од Северна Африка ги подигна температурите до максимум и бранот би можел да трае до 15 јуни.

Можете да прочитате

Во срцето на летото: На алпите наврнаа 80 сантиметри снег!

Зеленски: Русија синоќа употреби околу 400 дронови и 18 ракети во Украина

Русија конфискувала имот вреден 50 милијарди долари од почетокот на војната во Украинаķ