Во Словенија се потврдени 33 нови случаи на заболени со коронавирус од 1.299 тестирани во последните 24 часа, што е за три помалку од претходниот ден, кога биле тестирани 1.439 лица, објави словенечката влада.
Вкупниот број на потврдени случаи од почетокот на епидемијата се зголеми на 2.755, а активни се 423 случаи. Во последните 24 часа нема починати пациенти, а вкупниот број на смртни случаи е 133.
Хоспитализирани се 23 пациенти, три повеќе од претходниот ден. Во одделите за интензивна нега нема ниту еден пациент со Ковид-19.
