Во Русија, потврдени се 5.848 нови случаи на коронавирус во изминатите 24 часа, со што вкупниот број заразени достигна 795.038 лица.
Рускиот центар за контрола и превенција на коронавирус соопшти дека 147 лица ја изгубиле битката со Ковид-19 во истиот период.
Во соопштението се вели дека вкупниот број на починати се искачил на 12.892, а во изминатиот ден се излечени уште 8.277 лица кои биле дијагностицирани со Ковид-19, со што бројот на излечени достигна 580.330 лица.
Стапката на раст на новозаразени на дневна основа е 0,7 проценти, а 27,7 нови случаи се асимптоматски пациенти.
Службата за јавно здравје соопшти дека биле извршени 296.000 тестови во изминатиот ден, а над 26 милиони тестови се направени од почетокот на епидемијата.
