Коронавирусот престана да се шири во поголемиот дел од Шангај, а нешто помалку од еден милион луѓе сè уште се во карантин бидејќи градот постепено се отвора, соопштија властите, додека економските податоци го покажуваат негативното влијание на кинеската стратегија „нулта ковид“. Во соопштението се вели дека 15 од 16 области во Шангај кои не се во карантин го запреле преносот на коронавирус и епидемијата е под контрола.
Супермаркетите, трговските центри и рестораните денеска се отворени со ограничување на бројот на луѓе и контакти, додека ограничувањата за движење остануваат на сила, а метрото е сè уште затворено.
Во град со 25 милиони жители, многу граѓани се затворени во своите домови, на нивните имоти и населби повеќе од 50 дена, а датумот на целосно отворање е 1 јуни.
Примената на рестриктивни мерки во борбата против коронавирусот во Шангај предизвика протести поради недостаток на храна, медицинска нега, слобода на движење и многу ограничени права на приватност.
И покрај ова, Кина ги отфрли сите критики за стратегијата за затворање и остана посветена да се бори против какви било обиди за искривување, или отфрлање на нејзината „анти-ковид политика“, пишуваат медиумите во светот.