Гевгелија, 5 мај 2020 (МИА) – Гевгелиските комуналци задолжени за одржување на јавните површини и паркови почнаа акција за косење на тревниците и за уредување на жардиниериите во градските паркови,пред институциите и детските игралишта во градот и населените места.
Во пресрет на следната летна сезона јавните комунални работници,поради опасност од појава на пожари на отворено,велат дека ќе извршат косење и на израснатите тревници на парцели од неизградено земјиште во сопственост на граѓани и покрај тоа што не е нивна надлежност.
-Овој пат во договор и по препорака на општината ќе ги косиме споменативе површини,но апелираме до нивните сопственици во иднина да не ги запоставуваат и редовно да си ги одржуваат имотите бидејќи косењето тревници на неизградени површини не е надлежност на ЈПКД „Комуналец“, велат од претпријатието. им/ир
