Во јужниот украински град Николаев утринава се слушнале експлозии.
Градоначалникот Олександар Сиенкевич изјави дека во градот се слушнале експлозии нешто пред шест часот наутро и ги повика жителите да останат во засолништа.
– Русите повторно гаѓаат бројни цивилни објекти во Николаев. Спасувачите и екипите за вонредни ситуации веќе работат на терен – рече Сиенкевич.
Предупредувањето за воздушен напад првпат беше издадено во 4.25 часот, пред силни експлозии да го потресат градот околу половина час подоцна.
Според воени претставници, Русија наводно се обидела повторно да го бомбардира Змискиот остров во текот на ноќта.
Се вели дека два руски борбени авиони се обиделе да го нападнат стратешкиот остров на Црното Море, но не успеале бидејќи бомбите паднале во морето,пренесе Блиц.рс.