Македонска Каменица, 14 февруари 2020 (МИА) – Во Македонска Каменица во тек е акција за зимно уредување на јавните површини. Од јавното претпријатие ,,Камена Река”, чии екипи ја спроведуваат акцијата, информираат дека со истата се опфатени јавните површини во централното градско подрачје.
– Оваа активност, според претходна проценка опфаќа кастрење и кроење на гранките, како и сечење на старите, суви и уништени гранки. На овој начин се обезбедува соодветна подготовка и заштита на дрвјата пред нивното пролетно развивање, информираат од ЈП ,,Камена Река”.
Ваквите акции, како што додаваат, ќе продолжат и во останатиот дел од градот.
– Ќе бидат опфатени и старите гранки кои надвиснуваат над коловозите со цел да обезбедиме поголема прегледност во сообраќајот, додаваат од ,,Камена Река”.
Од претпријатието апелираат слични акции да преземат и граѓаните во своите дворни места се со цел поубав изглед на градот. вс/см/
