Крушево, 28 мај 2020 (МИА) – Во Kрушево партерно почнува да се уредува просторот околу спортската сала. Потпишан е дговорот за изведување на работите, и извршен е увид како течат работите.
Според крушевскиот градоначалник Томе Христоски, најбитно е што салата целосно ќе биде во функција.
-Покрај внатрешно, го уредуваме и надворешниот простор околу салатa. Обезбедуваме целосно функционална спортска сала со проширена намена, решен е проблемот со поплавувањето и со целосното опремување, а сега и партерното уредување. Продолжуваме со имплементација на проектот за развој на авантуристички туризам, рече Христоски.
Партерното уредување на спортската сала е во рамки на Проектот за локална и регионална конкурентност, пот-проект „Кругот на адреналинот – развој на авантуристички туризам во Крушево“ финансиран од ЕУ, администриран од Светска Банка и имплементиран од Канцеларијата на вицепремиерот за економски прашања и од општина Крушево.ем/бт/
