Кичево, 17март 2020 (МИА) – По препораките на Владата што почнаа да се практикуваат, во Кичево целосно се затворени коцкарниците, обложувалниците, кафеаните и другите објекти за масовно собирање, со цел да се спречи ширењето на опасниот коронавирус, кој зема сѐ поголем замав како на стариот континент така и во земјава.
Како што информираат од СВР Охрид, на територија на општина Кичево полициските службеници и пазарната инспекција синоќа спровеле контроли на 60 угостителски објекти, осум казина и 12 обложувалници.
-Кај ниту еден од контролираните објекти не е констатирано отстапување при спроведување на одлуката на Владата. Апелираме до граѓаните да ги почитуваат одлуките и препораките донесени од страна на Владата, а сите потстапки поврзани со оваа и останатите одлуки на Владата кои повлекуваат кривична одговорност да ги пријавуваат на телефонскиот број 192 , посочи портпаролот на СВР Охрид Стефан Димоски. рз/вј/
