Италијанците за леб издвојуваат речиси 15% отсто повеќе пари во однос на просекот во ЕУ.Во Италија, цената на тој основен прехранбен производ се зголемува од пченица до леб дури 15 пати, па затоа е меѓу највисоките во ЕУ, и над цената на векна во Германија и Холандија, покажа анализата на Евростат за минатата година.
Според италијанското здружение на земјоделци „Колдирети“, килограм мека пченица се продава во Италија за помалку од 21 цент, додека килограм леб, кој се добива со мешање на брашно со вода, граѓаните го купуваат во просек за околу 3,1 евро за килограм.
Во Милано, килограм леб чини 4,22 евра, во Болоња 4,72 евра, во Неапол 1,89 евра, во Рим 2,63 евра и во Палермо 3,02 евра. Земјоделците мораат да продадат пет килограми пченица за да платат кафе или шише вода во бар. За секое евро потрошено на свежи земјоделско-прехранбени производи како овошје и зеленчук, само 22 центи одат кај земјоделецот.
