Нов рекорден дневен пораст на бројот на лица заразени со коронавирус е забележан во Индија, со 96.551 случаи.
Бројот на лица заразени со вирусот, во Индија расте побрзо отколку на кое било друго место во светот, а Соединетите држави се единствената земја што е погодена посилно од пандемијата, пренесува „Ројтерс“.
Бројот на смртни случаи од последиците од Ковид-19 остана релативно низок, но неодамна е забележан тренд на раст, со над илјада нови смртни случаи во последните десет дена.
Досега починале 76.271 лица поради коронавирусот во Индија, а денес се регистрирани 1.209 нови смртни случаи.
Во Индија, 4,5 милиони луѓе се заразени со вирусот од почетокот на пандемијата.
