Под мотото „Ултиматум, не благодарам“ вечерва пред Владата продолжија протестите против францускиот предлог.
Демонстрантите со македонски знамиња и транспаренти од Владата преку ТЦ Мавровка се упатија кон Министерството за надворешни работи и Собранието.
По минатонеделните инциденти кај Мавровка, во овој дел од градот попладнево беше забележано засилено полициско обезбедување.
Дел од демонстрантите кои денеска протестираат против францускиот предлог, на улицата пред згрдата на МНР испишаа улични графити „Македонија не е на продажба“.
На протестот пред зградата и денеска беше изложен голем транспарент на кој беа прикажани фотографии од пратеници од актуелниот парламентарен состав, насловен „Предавници на народот“.
