Делчево, 21 март 2020 (МИА) – Во насока на спроведување на мерките за заштита на населението од вирусот КОВИД-19, извршена е дезинфекција на граничниот премин Делчево. Активностите се реализираа во соработка со Територијалната противпожарна единица Делчево како дел од мерките усвоени од Регионалниот штаб за кризи.
-Ваквата дезинфекција ќе биде повторена уште неколку пати на граничниот премин Делчево, но и на останати јавни површини како во градот, така и во селските средини, информираа надлежните.
Последните бројки покажуваат дека вкупно 70 лица досега се наоѓаат во самоизолација во Делчево.
-Бројката на тие лица е во пораст, дополнително во понеделник ќе биде соопштено колку нови лица имаме во самоизолација. За среќа засега немаме лице заразено со КОВИД-19, се надеваме така и ќе остане, додаваат од Регионалниот штаб за кризи во Делчево.
Општинските власти продолжија со дезинфекција на објектите и јавните површини. Апелираат граѓаните и натаму да ги следат препораките и да останат дома. вс/мч/
