Велес, 31 март 2020 (МИА) – Општина Велес во соработка со припадниците на МВР, СВР – Велес денеска ги интензивира мерките за справување со коронавирусот и заштита на здравјето на граѓаните.
За таа цел на поставените контролни пунктови на влезовите во Велес, денеска се врши контрола и дезинфекција на сите моторни возила кои влегуваат и транзитираат низ градот.
Како што информираат од Општина Велес, оваа активност започна во текот на минатата недела, но интензивно продолжи и денеска, а ќе се реализира и понатаму.
–Активностите за чистење и миење на улиците, како и дезинфицирањето на возилата на влезовите во градот се интензивирани како резултат на ширењето на Ковид-19 , а со цел да се обезбедат почисти улици и населби, но пред сè заштита на жителите ,потенцираат од службата за информирање на Општина Велес. ад/вг/
