Во Бразил се заразени 67.860 лица во последните 24 часа, што е нов рекорд во однос на бројот на заразени со коронавирус за еден ден, соопшти бразилското министерство за здравство.
Во земјата, како последица на вирусот досега починале 82.700 луѓе, а заразени се вкупно 2,2 милиони.
Бразилскиот претседател Жаир Болсонаро и неколку членови на владата се позитивни на ковид-19 и се наоѓаат во карантин.
Светската здравствена организација (СЗО) во петокот објави дека епидемијата на коронавирус го достигнала својот врв во Бразил и додаде дека бразилските власти треба да го поттиснат ширењето на вирусот.
