Албанската полиција извести дека запленила голема количина на експлозив а притоа биле уапсени познати криминалци, и бил одземен целиот арсенал на оружје.
Полицијата заплени 4,6 килограми експлозив во Драч и уапси три лица, информираат истражните органи во Албанија.
Од таму дообјаснуваат дека заплената на експлозивот се случила во акција чија цел била спречување на трговијата со оружје и луѓе, а покрај експлозив биле запленети и три гранати, еден калашников, четири мобилни телефони, пет детонатори и едно возило, пренесуваат албанските медиуми.
Се наведува дека еден од уапсените, маж од Тирана, веќе и бил познат на полицијата поради нелегално поседување на оружје.
