Струмица, 20 март 2020 (МИА) – Волонтери на Општинската организација на Црвен крст Струмица денеска набавија продукти, лекарства и извршија плаќање за шест лица во самоизолација, а за две лица од социјално ранливи категории добија бесплатени пакети, информираше Маријана Тошева, секретар на струмичката организација.
Додава дека интересот на граѓаните за услугите на волонтерите е голем.
– Ѓраѓаните ќе можат да ја најават потребата во деновите од понеделник до четврток на телефонскиот број 071/345-901 од 10 до 12 часот, а доставата ќе се врши од страна на легитимни волонтери на Црвениот крст еднаш неделно, в петок, во периодот од 10 до 15 часот. При доставата волонтерите ќе треба да ја покажат својата легитимација, а корисникот ќе треба да пополни изјава за вредноста на паричните средства. Ова го правиме во насока на заштитување на населението од злоупотреба од страна на нелегитимни лица, дополни Тошева.
Информираше дека Општинската организација на Црвениот крст од денеска отвори инфо-линија за психосоцијална помош и поддршка на граѓаните и услугата ќе се испорачува секој ден од 10 до 12 часот на телефоните 071/345-901 и од 12 до14 часот на телефон 078/254-998. рт/мс/
