Полицијата трага по седумгодишно девојче, откако возило во кое се наоѓале татко и неговите деца синоќа падна во река во Србија. Во сообраќајна незгода, што се случила синоќа околу 22 часот, недалеку од местото Дренова кај Пријепоље, патничко возило слета во реката Лим.
Таткото и едното дете успеале да излезат од автомобилот и да стигнат на брегот, додека по другото дете се трага, објави порталот „ПП Медиа“.
Според информациите од порталот, возилото „бе-ем-ве“ е со регистарски таблички од Панчево.
Полицијата и пожарникарите се на лице место. Како што неофицијално дознава агенцијата РИНА, станува збор за 7-годишно девојче кое паднало во реката.
Семејството било на одмор во Златар, од каде заминале за Пријепоље, при што несреќата се случила на враќањето назад.
