Триесет и шестгодишен велосипедист со тешки повреди бил пренесен во болница откако во него удрил автомобил, а возачот избегал.
Според информациите на МВР, вчера околу 16 часот било пријавено дека на крстосница од ул. Николај Островски и ул. Моцартова во Скопје автомобил удрил во велосипедист Р.З.(36) од Скопје, а потоа возачот избегал.
Велосипедистот бил пренесен во болница, каде што му биле констатирани тешки телесни повреди.
Увид на местото на незгодата извршила екипа од СВР Скопје и се работи на расчистување на случајот.
