Скопје, 4 мај 2020 (МИА) – На Инфективната клиника во Скопје денеска почина водителот и пејач Драган Вучиќ од компликации од вирусот КОВИД-19.
За неговата смрт не е официјално соопштено од Институтот за јавно здравје, но ја потврдиле членови на неговото семејство.
Драган Вучиќ е роден во 1955 година во Скопје. Тој е композитор на „Свирете ја Зајди зајди“, „Ангели ме носат“, „Кажи ѕвездо“, како и на песната „Мake my day“ со која неговиот син, Мартин Вучиќ, ја претставуваше Македонија на Евровизија во 2005 година.
Беше и водител на квизовите „Среќни луѓе“, „Вашите пет минути“, „Возење со Вучиќ“. хс/скс/
