330 луѓе починаа од Ковид-19 во Прилеп, а за ниту еден од нив не беше пуштен хеликоптер, што можеби би спасило нечиј живот, велат од опозициската ВМРО-ДПМНЕ, како критика за тоа што премиерот Заев и министерот Филипче вчера, како што велат, на државен трошок летале од Скопје до Прилеп.
„Не беше пуштен хеликоптер ниту за 50 починати вчера, но затоа се пушта хеликоптер за Заев и Филипче. Секојдневно во Македонија умираат луѓе од Ковид-19 и се заразуваат и по 1.500 на ден, за ниту еден од нив не е пуштен хеликоптер, а сигурно меѓу нив имало животи кои можеле да бидат спасени, доколку тоа се направело“, се наведува во партиската реакција.
Во неа се додава дека Заев за Прилеп летал со хеликоптер за да не ги види и прилепските тутунари.
„Нивниот тутун се купуваше за стотина денари, а фамилиите плачат затоа што немаат што да јадат“, нагласуваат од ВМРО-ДПМНЕ од каде додавсаат дека премиерот лета со хеликоптер мислејќи дека ќе ја надлета црната реалност.
