Владата денеска на седница треба да се произнесе по предлогот на Министерството за здравство и Комисијата за заразни болести, за повторно воведување на полициски час на територијата на целата држава.
Комисијата предложи полициски час од 22 часот навечер до 5 часот наутро, почнувајќи од среда (10 март).
Министерот за здравство, Венко Филипче, образложи дека изминативе недели најмногу заразени има поради трансмисија на вирусот преку собири, но и непочитување на воведените мерки за носење заштитна опрема, држење дистанца и негрупирање.
Тој апелира на дисциплина којашто во моментов ни е најпотребна, затоа што тоа e единствениот начин да се спречи неконтролираното ширење на Ковид-19.
