Во изминатите 24 часа во ковид центрите во болниците низ земјава е пријавено дека се лекуваат вкупно 1052 пациенти позитивни и суспектни на коронавирусот.
Според податоците од министерството за здравство во болницата во Битола се хоспитализирани 123 пациенти позитивни и суспектни на Ковид-19. Во болницата во Штип се хоспитализирани 93 пациенти.
На инфективното одделение во Тетово има 45 пациенти, во Велес се лекуваат 103 болни, а во Куманово 93 пациенти позитивни и суспектни на Ковид- 19. Во ковид центарот во Охрид има хоспитализирано 105 пациенти, во Прилеп 145 во ковид центарот во Гостивар 39, а во Струга 18 пациенти.
Во болницата во Струмица хоспитализирани се 116 пациенти, во Кочани 38 во Кичево 36, Кавадарци 73, а во Гевгелија 25 лица позитивни и суспектни на коронавирусот.
Вкупната бројка на пациенти позитивни и суспектни на коронавирусот кои се лекуваат на инфективните оддели во главниот град и во болниците низ земјава е 1744 и има околу 230 празни болнички кревети во ковид центрите, известуваат од здравство.
Според нив сите одделенија на клиничките болници располагаат со болнички места до кои има довод на кислород.
Додаваат дека министерството има увид во состојбата со капацитети и доколку има потреба одделенијата ќе бидат дополнително проширени.
