Акционата ѕвезда Вил Смит ќе ја репризира една од своите најпознати улоги во најавеното продолжение на „Јас сум легенда“ од 2007 година, овој пат како продуцент и протагонист, а ќе му се придружи и Мајкл Б. Џордан од „Црниот пантер“.
Ова е првпат двајцата популарни актери да работат на ист проект. Сценаристот оскаровец Акива Голдсман, кој го адаптираше постапокалиптичниот роман на Ричард Метисон од 1954 година, исто така треба да се врати, да го напише и да го продуцира продолжението.
Сè уште не е познато кој ќе биде режисер на новиот проект. Френсис Лоренс го режираше оригиналниот I Am Legend.
Она што изненадува во веста е дека ликот на Смит, вирологот Роберт Невил, почина на крајот на филмот. Нема информации за тоа како ликот ќе се врати во продолжението, бидејќи деталите за филмот сè уште се чуваат во тајност.
