Грчките власти евакуираа детски летен камп, неформален камп за бегалци и мигранти, како и десетици домови поради шумски пожар. Пожарот избувна јужно од Атина, каде силните ветришта им го отежнуваат гаснењето на пожарот на пожарникарите.
Големиот шумски пожар избувнал денеска во југоисточна Атика, на подрачјето на градот Лаврио, на околу 60 километри од Атина, соопшти пожарникарската служба.
#GREEKNEWS Large Fire Breaks Out Near Lavrio, Southeast of Athens https://t.co/gsxXtmxeCc pic.twitter.com/u6zaZcy6M4
— banksnews.gr (@wwwbanksnews) July 16, 2020
Во согласност со препораката на противпожарната служба, надлежните органи ги евакуираа жителите на четири населби, деца од блискиот летен камп „Акрогиали“ и неформалниот камп за бегалци и мигранти, кој е во сопственост на Министерството за развој.
Пожарот избувнал во близина на боровата шума во подрачјето на Понта Зеза во Лаврија, а силните ветрови ја зголемуваат можноста пожарот да се шири во шумата на Сунио, предупреди градоначалникот на Лавреотики, Димитрис Лукас.
Multiple departments battle Meigs County fire near the Athens County line. #EyewitnessWV pic.twitter.com/p4E4RGseFb
— Bob Aaron (@BobAaronWCHS) July 16, 2020
На местото на настанот се испратени 49 пожарникари и 19 противпожарни возила, два противпожарни авиони и четири хеликоптери, јави Катимерини.
Мал пожар избувна и во област со мала вегетација на Пелопонез.Таму се испратени 27 пожарникари и 13 противпожарни возила, како и два авиони и еден хеликоптер.
