Автомобил управуван од непознато лице удрил во оградата на канцеларијата на германската канцеларка Ангела Меркел во Берлин. Полицијата го уапсила возачот.
„Истражуваме дали возачот намерно ја погодил оградата. Тој е уапсен“, напиша полицијата на „Твитер“.
Aktuell sind unsere Kolleg. gemeinsam mit der @bpol_b am #Bundeskanzleramt im Einsatz. Ein Auto steht am Tor des Gebäudes – Wir klären derzeit, ob der Fahrer dieses dagegen gesteuert hat. Er wurde in polizeilichen Gewahrsam genommen. Weitere Infos folgen.
^tsm— Polizei Berlin (@polizeiberlin) November 25, 2020
Според фотографиите на „Ројтерс“ од местото на настанот, на автомобилот што удрил во портата биле напишани и пораки.
„Билд“ пренесува дека е можно да станува збор за политички мотивиран напад и тие наведуваат дека истиот тој возач веќе удрил во истата ограда пред шест години.
„Стоп за политиката на глобализација“ и „Проклети убијци на деца и стари луѓе“, пишува на вратата од автомобилот.
Ниту оградата, ниту автомобилот не се многу оштетени.
Не е познато дали има повредени, ниту дали канцеларката Меркел била во зградата за време на инцидентот. Десетици полицајци и противпожарно возило беа на самото место на настанот. Возачот, кој бил во доцните средни години, бил однесен во инвалидска количка.
